Братіславскый град буде центром їднаня коло 650 делеґатів з членьскых і партнерьскых країн НАТО. Стрітнуть ся на ярьнім засідані Парламентного зібраня НАТО в Братіславі, котре ся одбуде од 31.мая до 3. юна. Кідже іде о вікендову акцію, котра бы ся мала одбыти  в переважній мірі коло Братіславского граду, неочікують ся ниякы значны транспортны обмеджіня. У данім звязку з даныма приправами про словацьку пресаґентуру TASR то повів ведучій Стабілной делеґації Народной рады СР в Парламентнім зібраню НАТО і посланець НР СР Мартін Федор. Як далі повів, „при тім богатім проґрамі є то вынятково тяжке з орґанізачного боку. Пожадали сьме прото о сполупрацю поліцайны і іншы безпечностны часті, абы была забезпечена безпечність участніків в спокійність вшыткых.  Вірю, же небудуть ниякы значны транспортны обмеджіня про Братіславчанів.“ (TASR – Пкф)