Вызерать то так, же влада СР зась номінує до Европской комісiї (ЕК) сучасного підпредседу ЕК Мароша Шефчовіча. На рокованю парламентного европського выбору то повів премєр Петeр Пеллеґріні (Smer-SD). Зо Шефчовіча бы зась хотїв віцепрезідента ЕК. ,, Барз бы єм сі то желав. Назначів єм найвысшым представітелям ЕУ, же Марош Шефчовіч є головным кандідатом влады, котрого бы єм рад ознамив як будучого комісаря, але і як кандідата може на єдну з тых высшых европскых позіцій, “ увід Петер Пеллеґріні.

Шефчовіча подля ёго слов підпорують і колеґове з Вышеградьской штиркы. Нова Европска комісія ся буде формовати по маёвых евровольбах. В тій сучасній пособить Шефчовіч на позіції підпредседу про енерґетічну унію.

(TASR, Шутіова)