Італійска влада планує выдати декрат, на основі котрого будуть мімовладны орґанізації діставати штроф за каждого міґранта высадженого зо шыфы в Італії. Інформовав о тім денник The Guardian. Декрет приготовлює італійскый крайно правіцьовый міністер внутрішніх справ Маттео Салвіні і буде передложеный выбору міністрів в слідуючіх днях. Пак ся о нім буде голосовати в парламенті. Леґіслатіва уможнює дати штроф мімовладным орґанізаціям „од 3500 до 5500 евр за каждого транспортованого чуджінця“. Закон укріплять права Міністерства внутрішніх справ односно іміґрації і цільом є закінчіти ратованя міґрантів мімовладныма орґанізаціями. Крітіци твердять, же декрет є выголошіньом войны орґанізаціям, котры ратують жывоты.

(Медвідь, TASR)