Новый україньскый протикорупчный суд, котрого выбудованя было ключовов пожадавков западных союзників Кієва і  активістів, зачне свою роботу 5. септембра. Ознамила то сама юстічна інштитуція, інформувала о тім аґентура AFP. Термін отворіня суду становили на першім пленарнім засіданю його судцы, котры тыж в тайнім голосуваню вырішыли о найвысшім представительові. Новозволена предцедничка суду Олена Танасевічова перед тым робила як судкыня в Харьківскій області.  Найвысшый протикорупчный суд мать 38 судців зволеных посередницьтвом серії выберовых конань під оглядом україньскых і меджінародных одборників. Двадцятьсім з них буде робити на нижшій уровні суду і  звышных буде мати на старості одкликаня. (ТАСР, Пкф)