Председа коалічного Smeru-SD Роберт Фіцо вызывать презідента СР Андрея Кіску, абы ся до скінченя свого функчного періоду стримав атаків на Словакію в заграничі. Фіцо окрім іншого на вчерайшій пресконференції в Братіславі повів, же „презідент Кіска грубо злоужывать свою презідентьску функцію на чісто партійны амбіції. Нихто  му ю небере, але презідент СР неможе ходити по заграничю і атакувати свою державу і владу свойой країны.“ Реаґував так на Кісковы высловы про денник Die Welt. Кіска в інтервію про нього повів, же хоць є Словакія рядным членьскым штатом Европской унії, але як ся попозераме  на нечісте перепоїня меджі орґанізуваным злочіном і політиками на Словакії, може то досправды вызерати так, же наша країна є мафіяньскым штатом. (ТАСР, Пкф)