Венезуельскый презідент Ніколас Мадуро вызвав у четверь свої озброєны силы, жебы ся поставили ,,пучістом”. Аґентура АФП підчеркла, же ёго вызва зазвучала по неуспішнїй пробі о перевoрoт на чолї з опозічным лідром Хуаном Ґуаідом. ,, Гей, сьме в бою. Утримуйте собі в тім бою высоку моралку, жебы сьте одзброїли каждого зрадцю, каждого пучісту,“ выголосив вояками обклопеный Мадуро у высыланю телевізії. Аґентура АП припомянула, же Ґуаідо, підпорованый малым контіґентом безпечностных сил, вызвав у вівторок армаду, жебы ся обернула проти Мадурови. В уліцях метрополы Каракас і інде наслїдно выпукли зражкы меджі приверженцями Ґуаідоа і безпечностными силами, котры непокої потисли. У четверь  уж были улицї Каракасу покійны.

(SME, Шутіова)