Великы громады демонштрантів ся у четверь припоїли ку тзв. міліоновому походу за настолїня цівілной влады в Суданї по тім, як рокованя з владнучов воєньсков радов о вытворїню сполочного веджіня позначіли незгоды. Інформовала о тім тлачова аґентура АФП. Подля свідоцьтва єй корешпондента ся протестуючі згромаждили перед будовов армадной централы в головнім містї Хартум в найвекшій кількости за послїднїх дакілько днїв. Подля вівторкового выголошіня суданьской орґанізації Союз за слободу і зміну мать тото згромаждїня потвердити ,, головну пожадавку“ протестного гнутя, котров є переход ку цівілному режіму. Нове, змішане веджіня мать нагородити воєньску раду, котра в Суданї перевзяла міць по зосаджіню довгорічного презідента Умара Башіра. Рокуючі страны ся заты не были годны догоднути на роздїлїню кресел меджі заступцїв цівілного сектора і амады. Протестуючі выпоминають воєньскій радї, же ,,копірує зосадженый режім“ на чолї з Башіром.

(TASR, Шутіова)