Премьєр Петро Пелеґріні одлетів на навщіву Сполученых штатів Америцькых, в часі котрой завтра го прийме в Білім домі америцькый презідент Доналд Трамп. В часі стрічі бы мали продискутовати вопросы дотуляючі ся економічной і обранной сполупраці. Америцькы компанії суть найважнішыма інвесторами на Словакії і давають роботу 23.000 робітникам. Предметом їднаня в рамках обранной сполупраці бы мала быти окрім іншого і модернізація Озброєных сил СР. У Вашінґтоні ся тыж стрітне зо заступцямі америцькых компаній, котры діють на словацькім рынку, навштівить Америцьке музеум голокавсту і Арлінґтонскый народный цвінтарь, конкретні гроб вояка Міхала Стренка, котрый ся народив в Орябіні і прийшов о жывот в часі другой світовой войны як америцькый вояк в Японії. Премьєр бы ся на Словакію мав вернути в суботу 4. мая. (TASR, Pkf)