Резорт обороны інформує жытелів Словакії на переліты америцькых гелікоптер UH-60 у звязку з тренованям Combined Southern Exercise Campaign 2019 на трасі з  Лотишска до Італії, з планованов павзов в Братіславі. Пресаґентуру ТАСР о тім інформувала говоркыня  резорту Данка Цапакова. Переліты ся одбудуть од днесь до 3 мая 2019. Цілково перелетять девять гелікоптер через теріторію западной Словакії. „Переліты были вчас одобрены з узвязку  з діючіми меджінародными договорами, котры Словацька република підписала,“ інформувала Цапакова. (TASR, Pkf)