Новела закона, котров Народна рада СР апліковала тзв. пензійный строп, то значіть 64 років потрібный на одход до пензії про чоловіків і про бездітні жены, ся іщі недотулять актуалных жадателів о старобну пензію. Надалей діє днешній механізмус одходу до пензії, за котрым  становує пензійный вік фурт на пять років до переду опатріня Міністерства праці, соціалных справ і родины СР. В року 2019 є вік потрібный на сповніня условій нароку на старобну пензію становленый на 62 років і 6 місяців і односить ся на поіщенців народженых в року 1957. Єдночасно діє і то, же пензійный вік про рік 2019 ся недотулять дакотрых жен, котры ся народили од 1. януара 1957 до 31. децембра 1961 – тым ся пензійный вік понижує за чіслом выхованых дітей. (TASR, Pkf)