Міністерство заграничных справ і европскых діл СР поважує ближаючу ся навщіву председы влады СР Петра Пелеґрініго в Білім Домі за вызнамну подію в словацько-америцькых односинах. Про словацьку пресаґентуру то увів директор Пресового одділіня Міністерства заграничных справ і европскых діл СР Юрай Томаґа. Премьєр Петер Пелеґріні вірить, же на будучотыждньовій стрічі, котра ся одбуде 3. мая з америцькым презідентом Доналдом Трампом одкрыють і тему ціл. Як далей премьер повів, „Словакія є пятым найвекшым ехпортером авт до США.  Досправды вірю, же отвориме і тот вопрос. Єм защітником того, абы сьме не запроваджали цла, але абы сьме звышыли обходну выміну і тым способом вытворили дальшы робочі місця.“ (TASR, Pkf)