Змаганя аматерьской народной творчості штудентів высокых школ Словакії, котре ся зачало вчера в Пряшові, буде приближувати тот рік і творчість штудентів середніх школ. В ряді 53. річник Академічного Пряшова буде тырвати до пятниці, 26. апріля. Як про словацьку пресаґентуру TASR драматурґ фестивалю Мірон Пукан повів, „змагати ся буде в штирьох катеґоріях: штудентскы театры, властна літерарна творчість – поезіа і проза, народный переклад і філм. Тот рік, так як то было і по минулы рокы, на Академічный Пряшів сьме запросили і гості зо загранича,  з Поландії і Венґрії. Конкретні то буде ансамбель KTO з Кракова, котрый ся представує по цілім світі з інсценаційов Воня часу і штудентьскый ансамбель зо Сеґедіна з Венґрії.“ Змаганя ся одбывать главні в просторах высокошколского ареалу Пряшівской універзіты в Пряшові, в Театрі Алехандра Духновіча і в театрі Йонаша Заборского.  Гостямі фестивалю суть домашні і заграничны  професіоналны і аматерьскы ансамблі, писателі, герці, перекладачі і представителі многых уменонауковых дісціплін.  Выголошітельом змаганя аматерьской народной творчості штудентів высокых школ Словакії є Міністерство школства Словацькой републикы, Ректорат Пряшівской універзіты в Пряшові,  місто Пряшів, Фонд на підпору уміня і обчаньске здружіня Академічный Пряшів. (TASR, Pkf)