Северокорейскый вождь Кім Чонґ-ун штохвіля навщівить Росію, жебы там абсолвовав свою першу стрічу з російскым презідентом Владиміром Путіном. Оголосила то северокорейска пресаґентура KCNA, но о близшых детайлах, де або коли ся тоты політіци стрітять, не інформовала. Кім бы ся з Путіном подля вшыткого мали стрітити в російскім далековыходнім місті Владивосток, і то якбач в середу або в четверь, інформовала аґентура Jonhap. Остатній раз северкорейскый вождь навщівив Росію у 2011-ім році, но быв то іщі отець сучасного лідра – Кім Чонґ-іл, котрый ся втогды стрітив з втогдышнім презідентом Дмитрійом Медведєвом.

(Медвідь, TASR)