На 310 підняла ся кількость жертв, котры собі выжадали недільны бомбовы атакы на Срі Ланці. Інформовав о тім у віторок рано говорця сріланьской поліції з тым, же на зраніня вночі на віторок вмерло веце особ. Подля його слов далше зіставать приблизно 500 особ зраненых. Говорця, котрого цітовала аґентура AFP, додав, же поліція дотеперь затримала в повязаню з атаками 40 особ. На Срі Ланці ся днесь рано зачав трьома минутами тиха за жертвы день державного смутку, котрый выголосив у понедільок презідент Маітріпала Сірісена. Недільны атакы одбыли ся в трьох луксусных готелах і трьох католицькых костелах. Бомбы експлодовали і на далшых двох місцях.

(Медвідь, TASR)