Найвецей фінанцій ся в рамках резорту здравотницьтва розтрачує в штатных шпиталях. Твердить то членка Выбору Народной рады СР про здравотницьтво Яна Ціґанікова. Реаґовала так на тверджіня Асоціяції шпиталів Словакії, котра в середу авізувала, же коло 49 шпиталів про  хыбаюче фінанцованя на покрытя соціалных пакунків і рекреачных предписань можуть выповісти кінцьом апріля договор штатной Вшеобецной здравотной поіщовні. Штат бы мав на основі посланкыні платбу за своїх поіщенців звышыти лем в тім припаді, кедь ся одобрять леґіслатівны зміны, котры неґатівно овпливнять господаріня надавателям здравотницькой старостливості. То шак ся до днешнього часу, за єй словами, нестало. (TASR, Pkf)