Самостатный высланець Сполученых штатів про Северну Корею Стефан Біґун одлетів вчера до Москвы, абы ся стрітнув з російскыма представительмі в часі, кедь ся приправує стріча северокорейского лідра Кім Чонґ-уна з російскым презідентом Владіміром Путіном. Інформувала о тім пресаґентура DPA. Цільом Біґуновых  дебат з російскыма партнерами мають быти „снагы о одстояня кінцевой, цілком овіреной денуклерізації“ Корейской людоводемократичной републикы. Говорця Кремля Дмітрій Песков за словами російскых штатных медій інформував, же Путін ся з Біґуном непланує стрітнути. Обявують ся шпекулації, же Кім і Путін бы ся могли стрітнути іщі тот місяць в місті Владісвосток на російскім Далекім выході. Кремель опубліковав лем то, же така стріча ся приправує, місце і термін шак покы несуть договорены. (TASR, Pkf)