Село Осадне в Сниньскім окресі є невеликым валалом зо 157 жытелями. Наперек низькому сельскому бютжету веджіня села ся снажыть про своїх жытелів зробити што найвецей. Єдна з форм здобытя фінанцій про село є писаня проєктів. То, же в селі суть в тій області успішны говорить і його староста Роберт Мікулашко, „здобыли сьме фінанції на реконштрукцію сельскых комунікацій, то значіть, же  в часі того і наслідуючого року бы сьме хотіли выновити часть нашых сельскых комунукацій. Дальшов актівітов мала бы быти реалізація проєкту в рамках меджіграничной сполупраці. З польскым партнером бы сьме хотіли выбудовати Інформачный туристичный центыр в Осаднім частьов котрого буде выбудованя ціклопішника Осадне – Балніца. В рамках нього буде можность собі запожычати біціґель через мобільну аплікацію.“ (Пкф)