Французькый презідент Емануел Макрон вчера вечур приобіцяв, же катедрала Нотре-Даме в Парижі, котру пошкодив розсяглый пожар, буде обновена „в часі пятьох років“. Інформували о тім пресовы аґентуры AFP, DPA a AP.  „Обновиме тоту катедралу в часі пятьох років а буде іщі крайша, “ повів Макрон в телевізнім выступліню день по тім, як ґотічный собор в центрі Паріжа важно пошкодив огень. Презідент прызнав, же на катедралі з 850-річнов історійов є „того вельо, што треба обновити“, высловив шак пересвідченя, же Французы то „знова докажуть“ і „змобілізують ся“. (TASR, Pkf)