Сенат Найвысшого суду (NS) СР одрочив термін главного поїднаваня у справі припадного розпущіня парламентой ĽSNS на 29. апріля. Вырішыв так потім, як на вчерайшім поїднавані выслухав арґументації жалобцы і обгайобы. Заступця Ґенералной прокуратуры СР Іван Мінар в посліднім выступі тырвав на арґументації дотуляючі ся противромскых проявів партії. Операв ся і на высловы партії на адресу днешнього сістему штату, котрый за його словами позначів як тоталітный. Видить в тім подобність з войновым Словацькым штатом. Пропозицію на розпуштіня партії подав на NS ґенералный прокуратор Яромір Чіжнар в маї 2017. (ТАСР, Пкф)