Приблизно 100 молодых людей із цілой Словакії під ініціатівов Za slušné Slovensko в понедільок выдало ся на путь до Брусела. Навщівов столиці Европской унії і участьов на післіднім засіданю европарламенту перед вольбами хотять звекшыти інтерес молодых о Европску унію. „На тоту путь ідеме зато, бо тот тыждень остатній раз засідать европарламент в Бруселі. Видиме в тім сімболіку, бо Словакія в остатніх евровольбах мала найнизшу участь в цілій Европскій унії. Наша путь має быти зачатком мобілізачной кампані ку евровольбам. Кампань піде під назвов Выбераме собі Европу,“ повів у понедільок Юрай Шеліґа з ініціатівы. Шеліґа підкреслив, же кампаньов хотять пошырьовати знаня о тім, чом членство в Унії є про Словакію важным. Цільом є і вказати на можливости, якым способом люди можуть стати актівныма співтворителями публічных політік Европской унії.

(Медвідь, TASR)