Меджівладный договор о співпраці в области охороны воздушного простору підписали в понедільок в Будапешті шеф мадярьского резорту обороны Тібор Бенко і хорватьскый віцепремєр і міністер обороны Дамір Кырстічевіч. Подля інформацій аґентуры МTI міністры оцінили взаємну співрацу і підписали і выголошіня о намірі веценародного середньоевропского баталіону. Бенко по стрічі підкреслив, же задачі і цілі обидвох держав суть сполочны, і же за безпечность европскых народів ся несе зодповідность довєдна. Мадярьско-хорватьска співпраца за його словами укріплять і способности Североатлантічной аліанції.

(Медвідь, TASR)