Російскы законодарьцёве у четверь схвалили пропозіцію закона о заказі превадзкованя пензіонів і гостелів в обытных будовах. Спідня комора руського парламенту- Штатна дума- голосовала в проспіх заказу ,,вывжываня резіденчных просторів в наёмных бітох на готеловы службы, “ уводить ся то на їх вебовій сторінцї. Пропозіція закона, котрый уряды пересаджовали уж рокы, рахує зo заведжінём  даной леґіслатівы од 1. октобра, по лїтній сезонї. Заказ але пошкодить турізм, а то главно в Петроградї, другім найвекшїм російскім містї, де є 80 процент пензіонів і гостелів сітуованых в резіденчных будовах, увів шеф асоціації Ліґы гостелів Євґеній Насонов. Варовав, же дакотры з них не будуть мати інакшу можливість лем закінчіти своє дїяня. ,,В остатнїм дослїдку то буде мати досяг на заказника,турізм і цїны,” увів про АФП Насонов. Обще ся обчекує, же в слїдуючім періодї пропозіцію закона одобрить і верхня комора російского парламенту а пидпише го і російскый презідент Володимир Путін.

(TASR, Шутіова)