О дефінітівных критеріях про містьскы функчны реґіоны і становліня метод і форм на підпору меджісельской сполупраці діскутовали вчера в Жіліні участникы конференції Здружіня міст і сел Словакії. „Словакія є тіпічнов реґіоналнов країнов, протоже зо вшыткых самосправ творять села 96 процентів. На Словакії маме 140 міст, з котрых мать 20 менше як 5000 жытелів а лем десять міст  вецей як 50.000 жытелів. Успіх і будучність самосправ залежыть од того, до якой міры докажуть сполупрацовати. Меджісельска сполупраца є на базі добровольности а і днешня акція хоче підкреслити великый вызнам, котрый можуть мати функчны містьскы реґіоны,“ повів говорця і секретарь Рады ехпертів Здружіня міст і сел Словакії Міхал Каліняк. (TASR, Pkf)