Североатлантічна аліанція в понедільок оголосила інвестіцію 260 міліонів доларів до выбудованя обєкту, котрый буде в Польщі і буде служыти як склад воєньского выбавліня єдной бріґады америцькой армії. Інформовала о тім аґентура DPA. Склад выникне в ареалі базы польской авіації близко міста Повідз, котре є коло 200 км од Варшавы. Роботы будуть тырвати два рокы. Як повів у розговорі про The Wall Street Journal ґенералный секретарь НАТО Єнс Столтенберґ, тот новый обєкт – найвкеша інвестіція до інфраштруктуры НАТО за 30 років – є доказом співпраці меджі Аліанційов і Споєныма штатами. Аліанція по анекції Криму робить крокы, жебы звекшыти скорость перенесіня своїх вояків і выбавліня в рамках Европы про припад, же бы пришло ку воєньскій атаці.

(Медвідь, TASR)