Фінанцованя доріжньой інфраштруктуры  і доріг другого і третього класу была єдна з главных тем вчерайшого їднаня здружіня самосправных країв SK8 в Топольчянках. Председове самосправных країв ся згодують, же фінанцованя оправ доріг другого і третього класу в справі самосправных країв є довгочасово піддімензоване і днешній став є неутримаєтельный. Єдна з можных форм фінанцованя доріг в справі самосправных країн бы могло быти вытворіня тзв. доріжнього фонду. Як шпеціфікував предкладатель пропозиції Ярослав Башка, председа Тренчянского самосправного краю, “такый фонд ту быв до року 2001, кедь быв зрушеный. Подобный фонд фунґує і в Ческій републиці, де  до нього приходять фінанції і  зо штатного бютжету і хоснують го на оправы доріг другого і третього класу, котры справують тыж самосправны краї.“ (TASR,Pkf)