Шефка дипломації ЕУ Федеріка Моґерініова вчера інформувала о тім, же унія хоче в юні зачати переговоры о членстві зо Севернов Мацедонійов, протоже уж одстранила найвекшу барєру про вступ до ЕУ – минулый місяць змінила свою офіціалну назву. Моґерініова за словами пресовой аґентуры AP повіла, же „нашым сполочным цільом є дати в юні зелену на назачатя їднаня“. Бывша югослованска република офіціалні змінила назву  з Мацедонії на Северну Мацедонію, абы розогнала обавы Ґреції, котра мать велику провінцію з тов істов назвов. Тым ся балканскій країні з новым назвом отворила путь к членству в EÚ і NATO. (TASR, Pkf)