Великобрітаня пожадать о одклад брексіту перед тоготыждньовым самітом Европской унії і буде очековати, же рішіня в тій справі зробить Унія на саміті. В понедільок о тім інформовала аґентура Reuters, котра ся одкликала на державного секретаря Міністерства про брексіт Кавсі Квартенґа. Саміт має проходити 21-го і 22-го марца в Бруселі. Брітаньскый парламент минувшый тыждень у четверь голосовав за то, жебы влада пожадала о одклад одходу Великобрітанії із Унії. Одход быв напланованый на 29-го марца. „Штонайскоріше по згоді на уровни Европской унії передложыме потрібну домашню леґіслатіву, в котрій зміниме встановленый день одходу,“ повів державный секретарь з тым, же леґіслатіву будуть мусити схвалити обидві коморы брітаньского парламенту.

(Медвідь, TASR)