Найвысша волебна участь в першім колі презідентскых волеб была в Братіславіскім краю, а то 58,88 процентів. Найменше жытелів прийшло волити в Кошыцькім краю,  де была участь 42 процентів. Офіціалны выслідкы волеб потвердила і Штатна комісія про вольбы і контролю фінанцованя політичных партій на недільняйшій пресконференції. За інформаціями Штатістічного уряду СР была з боку окресів найвысша участь в окресі Братіслава І,  а то 63, 67 процентів, найнижша участь в окресі Комарно а то 27, 84 процентів. Як інформував председа Штатістічного уряду СР Александер Балек, „найвысша участь споміж вшыткых самосправ была в селі Шарбов, окрес Свидник, а то 96,42 процентів а найнижша участь была в селі Задор, окрес Рімавска Собота, де прийшло голосувати 2,68 процентів воличів.“    (TASR, Pkf)