Гаварію ероплану Етійопскых аероліній, котре в неділю рано упало  коротко по штарті  з летіска в Адіс Адебе, непережыв нихто зо 149 путуючіх і осьмых членів посадкы. Строй мав намірене до кеньского главного міста Наіробі. О біланції нещастя інформувала аґентура AFP і етіопскы штатны медія. Меджі жертвами суть і родинны члены посланця Антона Грнка. Інформацію пізніше підтвердив і сам посланець, кедь на фейсбуковім профілі написав: “звеликым жальом інформую, же моя дорога жена Бланка, сын Мартін і дівка Міхала вмерли в часі літецькой катастрофы в Адіс Абебе днесь  рано“. Найвысше чісло жертв – 32 – походить з Кені. О жывот тыж прийшло 18 Канадянів і 9 Етіопчанів. Британія і Франція мала на палубі ероплану по сім жытелів, Еґіпт шість, Голандія пять і Індія четверо. Штырі особы путовали на пасы Орґанізації зєднаных народів. Троє были з Росії, двоє з Марока і двоє з Ізраїля. О жывот прийшов і єден жытель з Белґії, Уґанды,Ємену, Судану, Тонґа, Мозамбіку і Норьска. (TASR, Пкф)