О пост презідента Поліцайного збору мать інтерес і Мілан Лучаньскый. Ёго кандідатуру потвердила Поліція СР на своїм профілї на соціалній сітї. ,,По зважіню вшыткых про і проти єм ся розгоднув, же забоюю і буду кандідовати на пост презідента Поліцайного збору,“ увів Лучаньскый. Кандідаты на пост презідента Поліцайного збору і директора Уряду іншпекчной службы Міністерства внутрїшнїх дїл (МВД) СР ся можуть приголосити до днесь, т. з. до 8. марца. Міністерка внутрїшнїх дїл Деніса Сакова (Smer-SD) авізовала, же резорт прияв дакілько приглашок. Далшы мена резорт буде конкретізовати аж по скінчіню выберового конаня.

 (TASR, Шутіова)