Презідент Андрей Кіска буде при розсліджованю можливого шантажу з боку председы партії Smer-SD Роберта Фіца співпрацовати. Повів, же вкаже вшыткы документы, котры має к діспозіції, котры ясно вкажуть, як то вшытко было і як шантаж проходив. Приготовленый выповідати є і председа влады Петер Пеллеґріні. „Єм приготовленый на основі покликаня іти выповідати, бо не є што скрывати і так то має быти,“ повів премєр. Пеллеґріні не хоче далше коментовати розговоры меджі Кіском і Фіцом, стоїть за тым, же він особно не быв свідком шантажу. Народна крімінална аґентура зачала на основі медіалізованых інформацій діяти у справі злочіну шантажу, потвердила говоркыня Презідії Поліцайного збору Деніса Балоґова. Презідент в пятніцю інформовав, же мав на нього Фіцо тискати в повязаню з выбером конштітучных судців і його амбіційов было стати председом Конштітучного суду.

(Медвідь, TASR)