Точно 13-го януара 2009-го року першый раз приголосили ся в державній Словацькій телевізії із кошыцького штудія Народностны справы. В тых днях Розглас і телевізія Словакії торжественно припомяне собі тот округлый юбілей. Од спомянутой даты было до 13-го януара 2019-го року одвысыланых 388 выдань того тыжденника. Як інфомровав RTVS, в тых выданях было зробленых цїлково 1700 репортажів. Были то інформації із жывота вшыткых 13-ёх державов вызнаных народноснтых меншын, котры жыють на Словакії. Народностны справы реґуларно ходять модерованы і по русиньскы. На русиньскых выданях довгодобо роблять Ярослава Сисакова і Валерія Фірєшова як модераторкы, і Петро Медвідь як тлумач сценаря. Репортажі забезпечує RTVS. Окрем того, ся в RTVS каждый другый тыждень выраблять і окремый Русиньскый маґазин. Тот зачав писати свою історію скорїше. Редакція народностного высыланя RTVS – телевізне штудіо Кошіцї собі округлу річніцю успішного і про народностны меншыны цїнного проґраму святочно припомяне дома, в Кошїцях, 26-го фебруара 2019. (Лем.фм, Пкф)