За участі коло 45.000 людей ся вчера в Мадриді одбыв протест против змірлівій політиці, котру влада премьєра Педра Санхеза просаджує у звязку ку Каталанску. Участниці мітінґу за єднотну Іспанію жадали і выписаня новых парламентных волеб. Як інформувала аґентура АФП, акцію ініціовали опозичны силы вєдно конзерватівной Людовой партії, центрістіцкого блоку Жытелі і крайні правіцового зоскупіня Фох, котре є новачіком на іспанскій політичній сцені. Тоты політичны партії і їх сімпатізанты, одпорцове сепаратізму, розгнівав змірливый тон, котрый Санхезова влада зволила в діалоґу із партіями підпоруючі самостатне Каталанско. Їх голосысуть то значіть важны при схвалюваню владных пропозицій в парламенті і про саму стабілізацію Санхезовой меншыновой влады. (ТАСР, Пкф)