Авізуваный фебруаровый протест неспокійных фармарів в Братіславі чує шефка аґрорезорту Ґабрєла Матечна як політичну актівіту. Повіла то вчера промедія. Многы  з єй актерів были неуспішны в комунальных і в крайскых вольбах, додала. Новелу закона о наймі польногосподарьскых і лісных землях, транспарентна сторинка Землегосподарьской платобной аґентуры у звязку з дотаціями і дальшыма кроками в технічній області суть за єй словами актівітами, котры зробив резорт землегосподарьства і розвоя реґійону в напрямі к неспокійным фармаром. Патрік Маґдошко з Ініціатівы землегосподарів інформував, же протест мать быти в Братіславі 19. фебруара. Фармары зачнуть свою путь до главного міста з трьох напрямів уж 18. фенруара. Прийдуть на тракторох, лісных і дальшых машынах. Думать собі, же в протесті буде різным способом  брати участь коло1000 машын. (ТАСР, Пкф)