За высловлїнём Штатной ветерінарной і потравиновой справы СР (ШВПС) было підозріле говядже мясо з Польщі додане до трёх словацькых цехів. Мать іти о цехы в Бардеёві, Ґаболтові і Бідовцях. Ветеринари о тім інформують на своїм інтернетовім сайті. У звязку з медіалізаціов способу приїманя  звірины на бітунок, забияня говяджой звірины в Полщі приказала Штатна ветеринарна і потравинова справа цілену контролю заміряну на безпечність холоджуючого і мразеного мяса. Урядны контролї ся одбывають в місцях призначеня засылок, великообходів і далей на уровні малообходу вєдно амбулатного продая,“ пише ся в становиску ШВПС. Інформацію достали через Сістем скорого варованя од польскых контролных урядів.

(TASR,Кімак)