Председничка америцькой Снімовні репрезентантів Nancy Pelosiová вчера офіціалні одложыла выступліня презідента Доналда Трампа о ставі унії в Конґресі аж до того часу, покы влада незачне цілком фунґовати. Інформувала о тім пресова аґентура АП. Демократична членка снімовні за штат Каліфорнія в листі Трампові написала, же демократми з векшой часті обсаджена долна комора Конґресу неодобрить пожадованы опатріня, котры йому дають можность в долній снімовні Конґресу прочітати  цілоштатні высылану його справу.  Pelosiová даный крок зробила лем пару годин потім, што ю Трамп попередив листом, же планує на будучій вівторок 29. януаря прочітати справу в Конґресі. (ТАСР)