В тім роцї бы мали оправити просторы Театру Роматган на Товаренскій уліцї в Кошіцях. Кошіцькый самосправный край на то выдїлив 400 000 евр. Говоркыня председу КСК Анна Чінчарова увела, же з розрахунку на рік 2018 было можне капіталовы выдавкы черпати аж в другій половинї рока. ,,Наслїдно быв передложена пропозіція новелы закона о театралній і музичній дїялности, на основі котрой мали народностны театры перейти зо самосправных країв під Міністерство културы СР. Тота пропозіція быв кінцём рока стягнута. Зато в минулім роцї реконштрукція започата не была,“ высвітлила. Актуално подля нёй проxодить посуджіня функчного вывжытя будовы на Товаренскій уліцї. В тых просторах бы мав быти Театер Роматган а Кошіцкый самосправный край ту хоче зрядити і Ромскый дім. Тот бы мав служыти як центер захованя, презентації і розвитку ромской културы і аутентічного ромского уменя. Мало бы дати простор про презентацію театру, ґалерії, музея і освіту в области ромской музикы і танця.
(Кorzar, Шутіова)