Курды ся обертають за помочов Москвы і Дамаску
![](https://www.rusyn.fm/wp-content/uploads/2018/12/architecture-building-cathedral-236294-1024x1024.jpg)
В страху з обновлїня турецькой офензівы по одходї Споєных штатів зо северной Сірії ся лідры містных Курдів зачінають обертати на Росію і сірьску владу зо жадостёв беспечностных ґаранцій. У четверь о тім інформовала аґентура Ройтерс. Курдьскый політік Алдар Халіл увів, же контакты з Росіов і владов суть заміряны на вытворїня ясных механізмів на охрану северной граніцї. Курдами веджена ґрупа, знама як Сірьскы демократічны силы контролює великы области на северї Сірії. Дотеперь мала велику підпору Вашінґтону, но по тім, як Доналд Трамп оголосив план закінчіти америцьку воєньску участь в країнї, высловила Турція план воєньскы засягнути проти містным Курдам, котрых підозрює з напоїня на Партію курдьскых працуючіх, котра є в
турції заказана.
(TASR, Цітрякова)
-
Назад / Nazad Петро Порошенко ознамив скінченя станного права на Україні
-
Далше / Dalše Перестрїлка в Косові