Україньскый презідент Петро Порошенко ознамив вчера скінчіня станного права, выголосеного в пограничных областях країны перед місяцьом по інціденті російскых і україньскых шиф в Керчскім проливі. Інформувала о тім аґентура АФП. Презідент высвітлив вердікт непродовжыти станне право безпечностнов сітуаційов на Україні. Станне право зачало діяти 1. новембра в десятьох реґіонах погранича з Російов і Поднестерском і дотуляло ся і внутрішніх вод при берегах Азовского і Керчского проливу. Выголосили го по інціденті російскых і україньскых шиф, ку котрым дійсло 25. новембра в Керчіскім проливі. Тодійшный арешт трьох україньскых шиф і його членів вело ку ґрадації напятя меджі Російов і Українов.
(ТАSR)

Фото: TASR/AP