Розвиток окресу Снина і пріорітно теріторії Народного парку Полонины быв у попередніх днях центром інтересу експертів Світовой банкы. На своїм інтернетовім сайті інформувало о тім радіо Руской Бурзы Лем.фм. Фаховці на енвіроменталістіку і турістічный рух у співпраці із Пряшівскым самосправным крайом глядали рішіня на веце проблемів і інвестічны імпулзы до турістікы цінного реґіону з русиньскым населіньом. Як інформовала говоркыня краю Даша Єленьова, головным цільом проґраму загранічных експертів є посуджіня можливостей забезпечіня приступу ку воді на питя жытелям долин окресу, де не є выбудована публічна основна інфраштруктура і так само добудованя сіті драг.Ескперты вже стрітили ся із представителями Выходословацькой водареньской компанії і Справов і утримованьом драг Пряшівского самосправного краю і далшыма фаховцями.Так само навщівили старостів сел в окресі Снина, жебы познакомити ся з існуючов документаційов на выбудованя енвіроменталной штруктуры. О своїх здобытых знанях інформовали і жупана Мілана Маєрьского. Експерты пропонують самосправі дати зробити штудію реалізації, котра посудить вшыткы можливы рішіня забезпечіня приступу ку воді на питя і рішіню одпадовых вод. Край бы мав на то дати властны грошы.
(TASR)