Вчера минуло сто років, коли делеґаты зо 130 лемківскых сел проголосили основаня Головной Руской Рады, яка дала початок Рускій Народній Республиці Лемків. Світовий Конґрес Русинів схвалив, же події повязаны з державотворчым процесом на Лемковині немають быти забыты і каждорочні собі їх треба припоминати, як День Русинів на Лемковині. Од 2015 р. основну роботу над приправов і орґанізуваням даного споминкового дня робить Стоваришыня Руской Бурсы в Ґорлицях. Шторік святкуваня зачінаться в Пряшові при гробі і при памятнику русиньского будителя Александра Дыхновича. Того року, головны події присвячены 100. вырочю основаня Руской Нардоной Республикы Лемків будуть проходити в суботу, 8. децембра, на двох місцях, в двох країнах, в Пряшові і в Ґорлицях.