Председа белґіцькой влады піде до Маракеша
00
Председа белґіцькой федералной влады Чарлс Мішел вчера в часі вынятковой пресконференції повів, же пожадать федералный парламент, абы ся высловив к пакту ОСН о міґрації. „Піду до Маракеша, обы єм інформував позицію белґіцького парламенту, котрый ся буде заоберати міґрачным пактом,“ повів Мішел. Міґрачный пакт може вести к розпаду коалічной влады, увели многы белґіцькы медія, котры з великов внімавостёв слідують напятя у владній коаліції, кідь найвекша політична партія – Нова фламска аліянція – неє згодна з підписом міґрачного пакту і стоїть за медіялнов кампаньов против лібералному премьєрові. Тот мать підпору трьох зо штирьох коалічных партій.
(TASR)
- Назад / Nazad Британія брексітом стратить актіва в сумі аж 800 міліярд евр
- Далше / Dalše Вчера минуло сто років од основаня Руской народной Республикы Лемків