Влада америцького презідента Доналда Трампа апелує на Европу, жебы на Іран дала нову серію строгых санкцій за його проґрам балістічных стріл. Написала то в понедільок аґентура Associated Press. Америцькый міністер загранічных діл Майк Помпео через вікенд повів, же Іран зробив пробу балістічной ракеты, котра є способна нести веце бойовых главіць. Підкреслив, же є то в незгоді з резолуційов Безпечностной рады Орґанізації зъєдиненых народів. Помпео о Ірані планує бісідовати і днесь, кедь ся в Бруселі в рамках засіданя міністрів загранічных діл членьскых держав НАТО стрітить зо шефами діпломації Великобрітанії, Франції і Німецькa.
(Медвідь, TASR)