На гранічных переходах Малый Березный – Убля і Ужгород – Вышнє Німецьке продовжує блокація особного транспорту україньскыма актівістами, но увольнили переход про дакілько автобусів. Аґентуру TASR о тім в середу інформовала реґіонална говоркыня Цолного уряду Михалівці Клара Балоґова. Штрайкуючі україньскы шоферы, котры од понеділька цалком заблоковали особный транспорт на україньскім боці споминаных переходів, продовжують в штрайку в обмеджінім режімі. Цолный уряд рекомендує тым, котры планують іти автом на Україну, жебы іщі перед подорожіньом смотрили на актуалну сітуацію на переходах, о котрій інформує на своїм сайті Фінанчна справа.
(Медвідь, TASR)
Фото: TASR