Почас русиньского тридення в Братіславі, котрый ся зачінать днешнім дньом орґанізація молоды.Русины собі припомяне 100-річніцю вынику Чехословацькой републікы і oславить 10 років од заснованя свойой орґанізації. Днесь то быде концерт Штефана Штеця в Aтельєрi Babylon, у пятніцю то буде предпремєрa нового умелецького проґраму фолклорного колектіву Рутенія в Театрі SĽUK a в суботу святочный ґалавечур, котрым ся триденны ославы завершать. Супроводным проґрамом суботніх ослав з нагоды 100-річніці вынику ЧСР і 10-ой річніці орґанізації молоды.Русины буде і славностна рецепція, почас котрой одбуде ся сімболічне крещіня серії 10-ох ЦД Русиньскых приповідок, за участи їх творців. Выданям ЦД Русиньскых приповідок 9 і 10 ся завершує унікатна серія приповідок, котры приносять народну словесность Русинів не лем меджі дітячого слухача. Вытворінём того діла орґанізація молоды.Русины давать точку за сімрічным діятельством, котре зачало зберанём приповідок прямо в терені. До досліджіня позбераных приповідок попередніма ґенераціями поступно ся придавали авторьскы приповідкы сучасників. Юбілейне десяте ЦД є присвячене вызначному русиньскому етноґрафови Михайлови Гірякови, котрый окрім іншого богатства народной творчости Русинів, позберав і многы народны приповідкы з русиньскых сел на Словакії.
(інтернетовый сайт молоды.Русины)