В тых днях зачала четверта дістрібуція потравин про соціално одказаных людей в десятьох окресах Кошыцького і Пряшівского краю, котру орґанізує кошыцька Архідієцезна харіта.  До третього децембра роздадуть веце як 19 000 пакунків потравин становленых про веце як 12 тісяч окремых людей і родин у 408 селах і містах. В пакунку з тринадцять і пів кілами, ся находить мясо в конзервах, мука, різанкы, ріскаша, ленча, горох, фасоля, олій і інше, докопы 21 сорт тырванливых потравин. Teрміны, місце і час перевзятя пакунків в окресах Пряшів, Михалівці, Сабінов, Снина, Собранці, Стропков, Вранов над Топльов і Кошыці, приїмателі ся дізнають допереду формов позванкы або телефонічно. Хворым особам будуть пакункы переданы  прямо домів.
(А. Кузмякова)