Одобріня на выроб дерев мімо заставляной території села бы мали выдавати окресны уряды. Выходить то з пропозиції новелы закона о охороні природы і країны, котрый до меджірезортового припомінкового процесу дало Міністерство жывотного оточіня СР. Днесь дане одобріня выдавають села, котры шак за міністерством часто нерешпектують інтересы охороны природы. Проблем зачінать быти головно в територіях мімо заставляных часті сел, де на основі резорту доходить к розсяглым вырубом і в храненых територіях і їх охранных пасмах. Села бы шак і надалей мали достати за выруб фінанчну нагороду, котру можуть схосновати на старостливість о дерева, котры суть в рамках їх катастралной території.
(TASR)