В рамках Дня Пряшівского самосправного края ся одбыло в Будинку соціалных служб “Дотык“ в Меджилабірцях славностне уведжіня інвестічного проєкту, заміряного на базбарєровість інштітуції. До реалізації проєкту, котрого головным цільом было выбудованя ліжкового вытягу, было проінвестовано коло 50.000 евр. При здобыті фінанцій на реалізацію даного проєкту помогли дві інштитуції. Говорить директор Будинку Соціалных служб „Дотык“ Іґор Маґера, „помагать на міністерство праці і соціалных справ СР і єдночасно наш зрядьователь Пряшівськый самосправный край. Тым, же сьме выпрацювали жадость і проєкт на міністерство праці і соціалных справ через дотації, нам была одобрена сума 30 000 евр на тот проєкт а звышны фінанції нам дофінанцовав Пряшівськый самосправный край.“
(TASR)