Поліція днесь на своїм профілі на сіті Facebook публіковала выняткову вість. „Днесь проходять домовы проглядкы веце просторів у конкретной особы в повязаню з насилнов карнов діялностьов. Веце інформацій не мож подати,“ написали поліцайты. Подля інформацій порталу aktuality.sk суть то обєкты, котры належать Маріянови Кочнерови, якый є моментално розсліджованый вязобні за економічну карну діялность і бере участь на проглядках. В припаді днешньой інформації мало бы іти о акцію, котра є повязана із убийством новинаря Яна Куціяка і його зарученой Мартіны Кушніровой.
(Медвідь, TASR)
Фото: TASR/Polícia SR