Гуменьска самосправа здобыла з Енвіроменталного фонду дотацію на іншталацію сонечных колекторів на стрїсї містьского купалиска. Тоты будуть огрївати воду в базенах. Інформовала о тім Михаела Доханова з тлачовго реферату радницї. В рамках проєкту „Вывжытя обновительных жрідел на містьскім купалиску в Гуменнім‟ здобыло місто фінанчну дотацію у вышцї 140.000 евр. На даху базеновой галы ся в рамках нёго наіншталує 98 соларных колекторів і пять акумулачных надоб з обємом 2000 літрів і єдно черпадло. Поужыванём соларных панелів здобудуть 30 % ушпору вытрат на ход купалиска. Проєкт має быти зреалізованый до кінця новембра того рока.
(Korzar, Цітрякова)